Ўзбекистон 2022 йилда тўққизта янги бош консулхоналарини очишни режалаштирмоқда. Бу ҳақда «Янги Ўзбекистоннинг 2022–2026 йилларга мўлжалланган тараққиёт стратегияси тўғрисида»ги президент фармони лойиҳасида сўз боради. Таъкидланишича, уларнинг бештаси Россиянинг турли шаҳарларида жойлашади.
Ҳужжат лойиҳасида Ўзбекистоннинг хориждаги дипломатик ваколатхоналари ва консуллик муассасаларининг хизмат кўрсатиш қамровини кенгайтириш кўзда тутилган. Бунда:
- Россиянинг Самара, Астрахан, Тула, Калининград ва Нижний Новгород, Қозоғистоннинг Чимкент, Чехиянинг Прага, Канаданинг Оттава, Жанубий Кореянинг Пусан шаҳарларида Ўзбекистоннинг бош консулхоналари таъсис этилади;
- Ўзбекистоннинг Россиядаги бош консулхоналари (Санкт-Петербург, Владивосток, Қозон, Ростов-Дон, Новосибирск ва Екатеринбург), АҚШнинг Нью-Йорк, Германиянинг Франкфурт Майн ва Туркиянинг Истанбул шаҳарларида жойлашган бош консулхоналари ходимлари сони оширилади;
- Россиянинг Москва шаҳридаги, Польшанинг Варшава шаҳридаги ва Бирлашган Араб Амирликларидаги элчихоналар штат жадвалларига биттадан янги консул штат бирлигини киритилади.
Изоҳ (0)