Apple бозор қиймати 3 триллион долларга етган дунёдаги биринчи компанияга айланди. Бу ҳақда Нью-Йорк фонд биржасидаги савдо маълумотларига таяниб, Meduza хабар берди.
2022 йилдаги илк савдо кунининг ўртасида Apple акциялари қарийб 3 фоизга қимматлашган — қимматли қоғоз учун 182,86 доллар. Кейинроқ iPhone ишлаб чиқарувчининг акцияси 182 доллардан тушиб кетган, натижада компания капитализацияси 3 триллион долларлик маррадан бироз тушган.
2020 йилнинг август ойида Apple капитализацияси тарихда биринчи бор 2 триллион доллардан ошганди. Компанияга 3 триллион долларлик маррани забт этиш учун 16 ойга яқин вақт керак бўлди. Bloomberg’нинг ёзишича, бу бутун Германия фонд бозорлари ҳажми ёки Буюк Британия иқтисодиётидан кўп демак.
Эслатиб ўтамиз, Apple 2019 йилнинг февралида капитализация бўйича Microsoft’ни ортда қолдирган эди. Ўшанда компаниянинг капитализацияси 806,6 миллиард долларни ташкил этганди. Шу йилнинг январида Alphabet’нинг умумий қиймати 1 триллион долларга етган эди. 2020 йилнинг июнида Apple капитализация 1,5 триллион доллардан ошганди.
Изоҳ (0)