Айни кунларда Бўстонлиқ туманининг тоғли ҳудудларидаги дам олиш масканларига ташриф буюрувчилар сони кескин ортиб, у ерга олиб борадиган йўлда бир неча километрлик тирбандликлар юзага келгани ҳақида хабар берилган эди. ЙҲХББ ҳолат юзасидан ҳайдовчиларга мурожаат билан чиқди.
Унда автомобиль йўлларида тирбандликларнинг олдини олиш ва ҳаракат хавфсизлигини таъминлаш мақсадида 2021 йил 31 декабридан 2022 йил 10 январига қадар Бўстонлиқ туманидаги дам олиш масканларига олиб борувчи йўлда хавфсизликни ва йўлнинг ўтказувчанлик имкониятини инобатга олган ҳолда вақтинча бир томонлама ҳаракатланиш ташкил этилгани эслатиб ўтилган.
ЙҲХББ ушбу ҳудудда ишчи гуруҳ тузилиб, ҳаракат хавфсизлигини таъминлаш, тирбандликларнинг олдини олиш бўйича фаолият олиб бораётганини билдирган ва барча фуқаролардан ушбу вазиятни тўғри баҳолаб, ҳолатдан одилона йўл билан чиқишга чақирган.
Ҳайдовчилардан эса спиртли ичимлик истеъмол қилиб, рул бошқарувига ўтирмаслик, белгиланган тезлик талабларига ҳамиша амал қилиш, ЙПХ ходимларининг ишораларига риоя қилишни сўраган.
Изоҳ (0)