Ўзбекистонда 2022 йил 1 январь куни 2316 нафар чақалоқ дунёга келди. Соғлиқни сақлаш вазирлиги маълумотларига кўра, бу сўнгги беш йилдаги энг юқори кўрсаткичдир.
Қайд этилишича, Янги йилнинг биринчи кунида туғилган чақалоқларнинг 1118 нафари қиз, 1198 нафари эса ўғил бола бўлиб, энг кўп чақалоқ Самарқанд вилоятида (270 нафар) туғилди.
Қолган ҳудудларда бу кўрсаткич қуйидагича бўлган:
- Фарғона вилояти — 239 нафар;
- Наманган вилояти — 218 нафар;
- Сурхондарё вилояти 213 нафар;
- Қашқадарё вилояти — 210 нафар;
- Андижон вилояти — 197 нафар;
- Тошкент шаҳри — 177 нафар;
- Қорақалпоғистон Республикаси — 156 нафар;
- Тошкент вилояти — 155 нафар;
- Хоразм вилояти — 115 нафар;
- Бухоро вилояти — 113 нафар;
- Жиззах вилояти — 102 нафар;
- Навоий вилояти — 90 нафар;
- Сирдарё вилояти — 61 нафар.
Маълумот учун, Ўзбекистонда 2018 йилнинг 1 январида 1961 нафар, 2019 йилнинг шу кунида 1708 нафар, 2020 йилда 1974 нафар, 2021 йилнинг шу санасида эса 1644 нафар чақалоқ дунёга келган эди.
Изоҳ (0)