Ички ишлар вазири Пўлат Бобожоновнинг шахсий таркиб бўйича буйруғи билан лавозим тайинловлари амалга оширилди, деб хабар бермоқда вазирлик матбуот хизмати.
Полковник Олим Саидов ИИВ Жамоат хавфсизлиги департаменти бошлиғи ўринбосари — йўл ҳаракати хавфсизлиги хизмати бошлиғи лавозимига тайинланди. Тайинловга қадар 2019 йилнинг ноябридан буён ИИВ ЙҲХББ бошлиғи лавозимида фаолият юритаётганди.
Полковник Бахтиёр Бердиалиев ИИВ Жамоат хавфсизлиги департаменти бошлиғи ўринбосари — ҳуқуқбузарликлар профилактикаси хизмати бошлиғи лавозимига тайинланди. Тайинловга қадар 2019 йилнинг ноябридан буён Ҳуқуқбузарликлар профилактикаси бош бошқармаси бошлиғи лавозимида ишлаб келаётганди.
Подполковник Даврон Азизов ИИВ Жамоат хавфсизлиги департаменти бошлиғи ўринбосари — жамоат тартибини сақлаш хизмати бошлиғи вазифасини бажарувчиси этиб тайинланди. Бунга қадар Азизов ИИВ Ҳуқуқбузарликлар профилактикаси хизмати бошлиғи ўринбосари, Ҳуқуқбузарликлар профилактикаси фаолиятини ташкил этиш бошқармаси бошлиғи лавозимида фаолият юритган.
Полковник Омон Ўринбоев ИИВ пробация хизмати бошлиғи лавозимига тайинланди. Тайинловга қадар у ИИВ Жамоат тартибини сақлаш хизмати бошлиғининг 1-ўринбосари лавозимида ишлаб келган.
Мавзуга доир:
- Ўзбекистон ТИВ собиқ раҳбари Владимир Норов Абдулазиз Комиловга ўринбосар этиб тайинланди
- Ўзбекистон адлия вазирига янги ўринбосар тайинланди
- Нарзулло Обломуродов Давлат экология қўмитаси раиси лавозимига тайинланди
- Ташқи ишлар вазирининг биринчи ўринбосари Ўзбекистоннинг Хитойдаги янги элчиси этиб тайинланди
Изоҳ (0)