Луганск чегара бўлинмаси Украина хавфсизлик хизмати ходимлари билан давлат чегарасини ноқонуний равишда кесиб ўтган шахсларни қўлга олди. Бу ҳақда Украина чегара хизмати хабар берди.
29 декабрга ўтар кечаси Украина қаҳрамони полковник Евгений Пикус номидаги чегара бўлинмасининг ҳарбий хизматчилари Украина—Россия чегарасида беш кишини қўлга олди. Қўлга олинган шахсларнинг барчаси Ўзбекистон фуқаролари экани айтилмоқда. Қонунбузарларга Россия ҳудудига кириш учун тақиқ қўйилгани сабаб улар чегарани ноқонуний равишда кесиб ўтишга уринган.
Ушбу фуқароларга нисбатан мамлакат Жиноят кодексининг 204-1-моддаси 2-қисми (Украина давлат чегарасини ноқонуний кесиб ўтиш ёки ноқонуний кесиб ўтишга уриниш) бўйича маъмурий ҳуқуқбузарликлар тўғрисида баённома тузилган.
Таъкидланишича, Ўзбекистон фуқаролари маъмурий жавобгарликка тортилади ва ўз ватанига мажбуран қайтариб юборилади.
Аввалроқ Туркманистон чегарасида Ўзбекистондан ноқонуний равишда қайтаётган туркманистонликлар қўлга олингани, Россияда мигрантларни мамлакатга ноқонуний олиб кириш билан шуғулланган икки нафар Ўзбекистон фуқароси ушлангани тўғрисида хабар берилганди.
Изоҳ (0)