Президент қарорига мувофиқ, Актам Муҳаммадиев адлия вазирининг ўринбосари этиб тайинланди. Бу ҳақда вазир матбуот котиби хабар қилди.
Қайд этилишича, Актам Муҳаммадиев 1977 йилда Қашқадарё вилояти Китоб туманида туғилган. Маълумоти олий — 1999 йилда Тошкент давлат юридик институти бакалавриатини, 2001 йилда магистратура босқичини тамомлаган. Мутахассислиги — ҳуқуқшунос.
У меҳнат фаолиятини 2001 йилда Адлия вазирлигининг етакчи маслаҳатчиси лавозимидан бошлаб, вазирликнинг турли масъул лавозимларида ишлаган. 2017 йилдан тайинловга қадар Тошкент вилояти Адлия бошқармаси бошлиғи лавозимида фаолият юритган.
Изоҳ (0)