Тошкентда жамоат транспортида бир нафар йўловчини ташиш учун кетадиган харажатлар 3254 сўмни ташкил этади, деб хабар беради «Тошшаҳартрансхизмат». Шу билан бирга, пойтахт жамоат транспортларида ҳаракатланиш 1400 сўм туради.
«Тошшахартрансхизмат» АЖ автобус саройлари фаолиятининг 2021 йил 9 ой якунлари бўйича бир йўловчи ташиш учун шаклланган харажатлари тўғрисида маълумот билан бўлишди. Унга кўра, компания автопарки ўтган 9 ой давомида 102,7 миллион йўловчи ташиган. Ҳар бир километр учун кетган ўртача харажатлар 5196,5 сўмни ташкил этади.
Шунингдек, автобуслар йўналишларида жами 64,3 миллион километрдан ортиқ масофа босилган бўлиб, жами харажатлар 334,1 миллиард сўмдан ортиқни ташкил этади.
Аввалроқ Тошкентда 2022 йил 1 январдан автобус ва метрополитенда йўлкира нархи 1700 сўм этиб белгиланиши кутилаётгани тўғрисида хабар берилганди.
Изоҳ (0)