Тошкент вилоятида аёлнинг ишқий ёзишмаларини эрига жўнатмаслик учун 20 миллион сўм талаб қилган эркак ушланди. Бу ҳақда ИИВ матбуот хизмати хабар берди.
Маълум бўлишича, Ғиждувон туманида яшовчи 40 ёшли аёл Р.З. Тошкент вилоятида яшовчи Т.Ш. билан Instagram’да танишиб, у билан ишқий муносабатда бўлган. Шундан сўнг улар ишқий муносабатдаги хабарлар ёзишган.
Шундан сўнг Т.Ш. хабарларни турмуш ўртоғи ва яқин қариндошлари ҳамда интернет орқали тарқатиб юбориш билан Р.З.ни қўрқитиб, ундан 20 миллион сўм талаб қилган.
Шу куни ўтказилган тезкор тадбир натижасида илгари судланган, Тошкент вилоятида яшовчи 36 ёшли Т.Ш. Р.З.дан сўралган 20 миллион сўмни олган вақтида ушланди.
Суриштирув ишлари давомида Т.Ш. Р.З.дан олдин ҳам товламачилик йўли билан 70 миллион сўм олганини ва ҳақиқатан ҳам телефонда Р.З. билан ўзаро ишқий муносабатдаги ёзишмалари мавжудлигини маълум қилди.
Тезкор суриштирув ишлари давом эттирилмоқда.
Мавзуга доир:
- Тошкентда уйма-уй юриб, ўзини ёнғин назорати ходими сифатида таништирган ҳолда пул ундираётган фирибгарлар яна пайдо бўлгани айтилмоқда
- Қашқадарёда собиқ хотинининг шахсига оид маълумотларни тарқатмаслик учун 5 минг доллар талаб қилган эркак ушланди
- Бухорода танишлари орқали ҳайдовчилик гувоҳномаси олиб бериш учун 3 млн сўм пора олган автомактаб ўқитувчиси ушланди
Изоҳ (0)