Бельгияда коронавируснинг «омикрон» штамми тарқалиши туфайли 26 декабрдан бошлаб пандемияга қарши кураш бўйича қатъийроқ чоралар жорий этилди. Мамлакатда кинотеатрлар, театрлар, концерт заллари ва бошқа кўнгилочар ташкилотлар ёпилади. Спорт ўйинларига томошабинлар қўйилмайди.
Янги чекловларга кўра, Бельгияда олти ёшдан катта ўқувчилар мактабларда ниқоб тақиши шарт. Таълим муассасалари вақтидан олдин таътилга ёпилган, улар 10 январда очилади. Компаниялар имкон қадар ходимларини масофадан ишлашга ўтказиши зарур. Ходимлар ҳафтада камида тўрт кун уйдан ишлаши керак.
Бельгия ҳукумати сайти хабарига кўра, чекловлар бўйича қарор 22 декабрь куни қабул қилинган. Мамлакатда коронавирус билан касалланишнинг камайиши кузатилган бўлса-да, «омикрон» устун штаммга айланмоқда. Мамлакатда аҳолининг 76 фоизи, жумладан, болалар ҳам эмланган.
Аввалроқ Германияда коронавируснинг «омикрон» штаммига чалинган одамлар орасида биринчи ўлим қайд этилганди. 20 декабрдан Германия «омикрон» штамми туфайли британияликларнинг мамлакатга киришини чеклаган.
Нидерландия ҳукумати «омикрон» штамми тарқалиши туфайли Европа Иттифоқи мамлакатлари орасида биринчи бўлиб локдаун жорий қилган.
Исроил ҳукумати тез тарқалаётган «омикрон» штаммига қарши курашиш учун 60 ёшдан ошган фуқароларнинг барчасига вакцинанинг тўртинчи дозасини олишни тавсия қилган.
Мавзуга доир:
Изоҳ (0)