Ўзбекистон 2021 йилнинг январь—ноябрь ойларида хориждан қарийб 174 млн долларлик мобил телефон импорт қилган
2021 йилнинг январь–ноябрь ойларида Ўзбекистон хориждан қиймати 173,8 миллион долларга тенг бўлган 2,6 миллион дона мобил телефон импорт қилган. Бу ҳақда Давлат статистика қўмитаси хабар берди.
Фото: «Дарё» / Мадина Нурман
Маълум қилинишича, телефон импорти 2020 йилнинг мос даври билан солиштирилганда 1,5 миллион донага ошган бўлиб, Ўзбекистон 15 та давлатдан мобил телефонлар импорт қилган.
Ўзбекистон мобил телефонларни энг кўп импорт қилган давлатлар:
Хитой – 88 миллион доллар;
Вьетнам – 68 миллион доллар;
Ҳиндистон – 10 миллион доллар;
Қозоғистон – 5,3 миллион доллар;
БАА – 1,6 миллион доллар;
Германия – 647 минг;
Россия – 175,8 минг доллар.
Аввалроқ Ўзбекистонда мобил алоқа абонентлари сони 27 миллион нафарга яқинлашгани, Ўзбекистон мобил интернет арзонлиги бўйича дунё рейтингида 21-ўринни эгаллагани тўғрисида хабар берилганди.
Эслатиб ўтамиз, Ўзбекистондаги мобил телефонлар махсус IMEI коди бўйича рўйхатга олиниши тартиби 2019 йил 1 апрелдан жорий этилган. 2020 йил 22 сентябрь куни мобил қурилмаларнинг IMEI кодларини рўйхатдан ўтказиш тизими маъмурияти томонидан мобил қурилмаларни UzIMEI тизимида рўйхатдан ўтказиш жараёнига ўзгартириш киритилган, унга кўра, қурилманинг IMEI кодини/кодларини рўйхатдан ўтказишда жисмоний шахслар томонидан фойдаланиладиган абонент рақами маҳаллий мобил операторларидан ариза берувчи номига расмийлаштирилган бўлиши кераклиги белгиланганди. Қатор ОАВ ва блогерлар мазкур ўзгариш қонунга зид равишда амалга оширилган бўлиши мумкинлигини билдирган.
Изоҳ (0)