Бухоро вилояти прокуратураси томонидан ўтказилган текширувда вилоят Халқ таълими бошқармаси 2021/2022-ўқув йили учун «Ёшлик» жисмоний тарбия ва спорт жамиятига аъзоликка қабул қилиш ва аъзолик бадалларини йиғиш тўғрисида мажбурий характерда бўлган буйруқ қабул қилгани аниқланди.
ЎзАнинг маълум қилишича, ушбу буйруқ иловасида вилоятдаги жами 169 339 нафар ўқувчидан 914,4 миллион сўм ва 28 488 нафар педагог ходимдан 307,6 миллион сўм аъзолик бадалларини йиғиш режа-графиги тасдиқланган.
Вилоят прокуратурасининг текшириши давомида Халқ таълими бошқармасининг 2021 йил 10 декабрдаги буйруғи билан юқоридаги буйруқ бекор қилинган. Бошқарма бошлиғи қонун бузилишига йўл қўймаслик ҳақида расман огоҳлантирилган.
Маълумот учун, аъзолик бадалларини тўлаш ихтиёрий бўлиб, ҳар қандай мажбурий тўлов ундирилиши қонунга мувофиқ жавобгарликка сабаб бўлади.
Мавзуга доир:
Изоҳ (0)