Ўзбекистонда долларнинг расмий курси уч кунлик кўтарилишдан сўнг пастлади

Марказий банк 24 декабрдан хорижий валюталарнинг ўзбек сўмига нисбатан янги қийматини белгилади.

Унга кўра, долларнинг расмий курси 41,33 сўмга пастлаб, 10 807,25 сўмни ташкил қилди. Евро 5,56 сўмга пастлаб, 12 234,89 сўм бўлди.

Бундан аввал долларнинг расмий курси қаторасига уч кун кўтарилиб, 10 848,58 сўмни ташкил қилганди. Ўзбекистонда доллар курси 2022 йилда 11 300 сўмгача кўтарилиши мумкин.

Президентнинг «Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида»ги қарори лойиҳасига кўра, Ўзбекистонда тадбиркорларга валюта айирбошлаш хизматларини кўрсатишга рухсат берилиши кутилмоқда.