Футбол бўйича Италия А Сериясининг 19-туридан ўрин олган «Рома» ва «Сампдория» ўртасидаги ўйин 23 декабрь, чоршанба куни бўлиб ўтди.
Римда бўлиб ўтган 1:1 ҳисобидаги дуранг натижа билан якунланди. Дастлаб, 67-дақиқада захирадан ўйинга қўшилган Элдор Шомуродов 72-дақиқада ҳисобни очди. Ўзбекистонлик ҳужумчи ушбу вазиятда жарима майдончаси ичидан дарвозани аниқ нишонга олди. 80-дақиқада эса меҳмонлар бурчак зарбасидан оширилган тўпни голга айлантириб, мувозанатни тиклади.
Шу тариқа «Рома» ўз майдонида кечган баҳсда муҳим бўлган очколарни йўқотди.
Қайд этиш керак, бу Шомуродов учун «Рома» сафидаги 3-гол бўлди. У шундан иккитасини А Серия доирасида урган бўлса, яна биттаси Конференциялар Лигасининг саралаш ўйинига тўғри келади. Шунингдек, унинг ҳисобида барча мусобақалар доирасида 5 та голли узатма ҳам бор.
Ушбу натижадан кейин «Рома» 32 очко билан мусобақа жадвалида 6-ўринда бормоқда. «Сампдория» эса 20 очко билан 14-поғонани банд этган.
«Интер» ҳам тур доирасида ўз майдонида ўйин ўтказиб, «Торино» устидан кичик ҳисобдаги ғалабани тантана қилди.
А Серия
19-тур баҳслари
22 декабрь, чоршанба
«Рома» – «Сампдория» 1:1
Голлар: 1:0 – 72 Шомуродов, 1:1 – 80 Габбьядини.«Рома» – Руй Патрисиу, Карсдорп, Смоллинг, Манчини, Рожер, Виня (Шомуродов, 67), Мхитарян, Верету (аш-Шаарави, 67), Кристанте, Занёло, Абраҳам (Афена-Гьян, 47).
«Сампдория» – Фальконе, Берешински (Черво, 76), Ёсида, Колли, Аужелло, Кандрева (Депаоли, 89), Аскилдсен (Епес, 89), Адриен Сильва, Экдал (Ferrari, 37), Габбьядини, Капуто (Куальярелла, 76).
Огоҳлантиришлар: Берешински (44), Фальконе (60), Аскилдсен (61).
«Интер» – «Торино» 1:0
Гол: 1:0 – 30 Думфрис.«Интер» – Ҳанданович, Думфрис (Дамброзио, 83), де Врей, Шкриньяр, Бастони, Перишич (Димарко, 90), Видаль (Сенси, 82), Брозович, Чалхонўғлу (Весино, 69), Жеко, Мартинес (Санчес, 69).
«Торино» – Милинкович-Савич, Синго (Ансальди, 76), Жижи, Буонжорно (Родригес, 65), Бремер, Айна, Брекало (Прат, 76), Лукич, Побега (Мандрагора, 65), Пьяца, Санабрия (Варминг, 59).
Огоҳлантиришлар: Чалхонўғлу (65).
Изоҳ (0)