Халқ депутатлари Косонсой туман кенгашининг навбатдан ташқари сессияси бўлиб ўтди. Бу ҳақда «Дарё» мухбири Азизбек Абдувалиев хабар бермоқда.
Сессияда ташкилий масала кўрилди.
Туман ҳокимлигига Президентнинг Наманган вилоятидаги Халқ қабулхонаси мудири этиб тайинланган Баҳодир Юсупов ўрнига Дилмурод Қодиров номзоди тавсия этилди.
Дилмурод Қодиров 1972 йили Наманган шаҳрида туғилган. Маълумоти олий, 1993 йили Андижон қишлоқ хўжалиги институтини тамомлаган.
2014—2016 йилларда Наманган вилояти қишлоқ ва сув хўжалиги бошқармаси бошлиғи, 2016—2017 йилларда Наманган вилоятининг қишлоқ ва сув хўжалиги масалалари бўйича ўринбосари лавозимларида фаолият юритган.
У 2017 йилдан бери Норин тумани ҳокими бўлиб ишлаб келаётганди.
Депутатлар номзодни маъқуллади. Дилмурод Қодиров туманни ижтимоий-иқтисодий ривожлантириш бўйича дастурини туман кенгашида тақдимот қилди.
Изоҳ (0)