2021 йил 22 ноябрь куни «Союзмультфильм» киностудияси «Сеними, шошмай тур! Таътил» мультфильмининг трейлерини тақдим этганди. 2021 йил 17 декабрь куни анимацион сериалнинг премьераси бўлиб ўтди. «Лунапарк» деб номланган дебют Россиянинг йирик шаҳарларидаги 79 та кўча медиаэкранларида намойиш этилди.
Анимацион фильм Москва, Санкт-Петербург, Сочи, Екатеринбург, Тюмен, Волгоград, Самара, Нижний Новгород, Новосибирск ва Челябинскда тақдим этилди. Эпизоднинг давомийлиги тахминан 7 дақиқани ташкил этади.
«Орадан ўнлаб йиллар ўтиб, афсонавий қаҳрамонлар замонавий ёш авлодга ўзларининг бетакрор ҳазили, уддабуронлиги ва топқирлигини тақдим этиш учун экранларга қайтмоқда. Янги ‘Сеними, шошмай тур! Таътил’ ўтмиш ва келажак ўртасидаги кўприк, шунингдек, бутун оила билан экран қаршисига йиғилиш учун ажойиб имкониятдир», – дейди «Союзмультфильм» матбуот хизмати.
https://www.instagram.com/p/CXlEq4PsL2n/?utm_source=ig_embed&ig_rid=9c318c6b-b413-4397-92d6-33eeaf248a02
Томошабинлар мультфильмнинг биринчи эпизодида Бўри ва Қуёндан ташқари бошқа қаҳрамонларни ҳам кўради. Анимацион фильмда кийик Уля, бўрсиқ Тим, типратикан Шу каби қаҳрамонлар иштирок этади. Бундан ташқари, ижодкорлар эпизодга севги чизиғини қўшган: бутун эпизод давомида Бўри кийик Улянинг эътиборини қозонишга уринаётганини кўриш мумкин.
Эслатиб ўтамиз, янги версиядаги мультфильмининг тўртта қисми —«Лунапарк», «Чамадонда», «Тезроқ, баландроқ, кучлироқ» ва «Соҳил» Okko онлайн кинотеатри сайтида, 2021 йил 20 декабрдан «Мулт» ҳамда «Карусел» каналларида намойиш этилади. «Союзмультфильм» вакилларининг сўзларига кўра, айни дамда «Сеними, шошмай тур! Таътил»нинг 52 та қисмини чиқариш режалаштирилган.
Изоҳ (0)