Бугун,

  • USD 11095.31
  • RUB 173.84
  • EUR 10772.44

Ўзбекистоннинг расмий захира активлари 1 декабрь ҳолатига кўра, 34,75 миллиард долларни ташкил этмоқда. Бу ҳақда Марказий банк маълумотларига таяниб, Spot хабар берди. Таққослаш учун ноябрь ойидан бери улар 460 миллион доллардан ортиққа камайган.

Фото: «ТАСС»

Фото: «ТАСС»

Хусусан, бир ой ичида захирадаги олтин қиймати 1,2 миллиард долларга тушиб кетган — ҳозирда олтин захираси 20,44 миллиард долларга баҳоланмоқда. 20 декабрь ҳолати бўйича бир унция олтин қарийб 1800 долларни ташкил этяпти.

Шунингдек, олтин захирасининг тоннаси ҳам камайган, бу қимматбаҳо металлни хорижга сотиш қайта тикланганини кўрсатади — бунга қадар Марказий банк олтинни фақат май—июнь ойларида сотганди. 1 декабрь ҳолатига кўра, Ўзбекистонда 354,58 тонна олтин мавжуд. Бу бир ой олдинги кўрсаткичдан 22 тоннага кам демак.

Шу билан бирга, захирадаги хориж валюталари ҳажми 788 миллион долларга ошган — бунинг ҳисобига захиранинг қисқаришини қисман компенсация қилишга эришилган. Мавжуд хорижий валюта миқдори 13,19 миллиард долларни ташкил этмоқда.

Ҳозирги захиралар 20 ойдан ортиқ вақт давомида импортни молиялаштиришга етади. Бу ривожланаётган мамлакатлар учун халқаро ташкилотлар томонидан тавсия этилган 3 ойлик даражадан анча юқори.

Эслатиб ўтамиз, Ўзбекистоннинг олтин-валюта захиралари илк бор 2021 йилнинг июнида 35 миллиард доллардан ошганди.

Изоҳ
Асосий янгиликлар
Маҳаллий
Самарқандда ўқувчининг онаси «замдиректор»ни калтаклади
Маҳаллий
Ўзбекистонда ногиронлиги бор инсонлар учун шароит қандай? — «Дарё»да кичик сўровнома
Спорт
Ўзбекистон ампутантлар терма жамоаси футболчиларига Cobalt автомобиллари топширилди