Ҳукумат қарори билан Тоҳир Назаров Транспорт вазирлиги ҳузуридаги Фуқаро авиацияси агентлигининг директори этиб тайинланди. Бу ҳақда Telegram’даги «Ҳуқуқий ахборот» канали хабар берди.
Тайинловга қадар у агентликнинг Сертификатлаш ва парвоз хавфсизлигини назорат қилиш бошқармаси бошлиғи лавозимида ишлаб келган.
Маълумот учун, Фуқаро авиацияси агентлиги Ўзбекистон президентининг 2019 йил 1 февралдаги фармони билан қайта ташкил этилган ҳолда Транспорт вазирлигига ўтказилган. Ўша йилнинг мартида Толиб Ўлжаев Транспорт вазирлиги ҳузуридаги Фуқаро авиацияси агентлиги директори этиб тайинланганди. 2020 йилнинг февралида Ўлжаев агентлик директори лавозимидан озод этилиб, ушбу агентлик директори вазифасини бажарувчи этиб тайинланган.
Аввалроқ Фаррух Омонов Президент администрацияси шўъба мудири этиб тайинлангани, собиқ маданият вазири Турсунали Қўзиев Маданий мерос агентлигининг директор ўринбосари этиб тайинлангани тўғрисида хабар берилганди.
Изоҳ (0)