Hukumat qarori bilan Tohir Nazarov Transport vazirligi huzuridagi Fuqaro aviatsiyasi agentligining direktori etib tayinlandi. Bu haqda Telegram’dagi “Huquqiy axborot” kanali xabar berdi.
Tayinlovga qadar u agentlikning Sertifikatlash va parvoz xavfsizligini nazorat qilish boshqarmasi boshlig‘i lavozimida ishlab kelgan.
Ma’lumot uchun, Fuqaro aviatsiyasi agentligi O‘zbekiston prezidentining 2019-yil 1-fevraldagi farmoni bilan qayta tashkil etilgan holda Transport vazirligiga o‘tkazilgan. O‘sha yilning martida Tolib O‘ljayev Transport vazirligi huzuridagi Fuqaro aviatsiyasi agentligi direktori etib tayinlangandi. 2020-yilning fevralida O‘ljayev agentlik direktori lavozimidan ozod etilib, ushbu agentlik direktori vazifasini bajaruvchi etib tayinlangan.
Avvalroq Farrux Omonov Prezident administratsiyasi sho‘ba mudiri etib tayinlangani, sobiq madaniyat vaziri Tursunali Qo‘ziyev Madaniy meros agentligining direktor o‘rinbosari etib tayinlangani to‘g‘risida xabar berilgandi.
Izoh (0)