Тошкент шаҳар Учтепа туманида 125-йўналишда қатнайдиган автобусда ёнғин чиқди. Бу ҳақда ФВВ матбуот хизмати хабар берди.
Маълум қилинишича, 20 декабрь куни соат 07:50 да туманнинг Фарҳод кўчасида Ўрикзор—Дўмбиробод 125-йўналишда ҳаракатланиб кетаётган Mercedes-Benz автобусида ёнғин содир бўлгани тўғрисида туман ФВ бўлимига хабар келиб тушган.
Шунга кўра 2 та ёнғин-қутқарув экипажи воқеа жойига соат 07:56 да етиб бориб, ёнғин соат 08:00 да ўчирилган.
Ёнғин оқибатида автобуснинг мотор қисми ёниб зарарланган. Ҳодиса оқибатида жабрланган ва ҳалок бўлганлар йўқ. Таъкидланишича, ҳозирда мутахассислар томонидан ёнғин сабаби ва келтирилган моддий зарар миқдори аниқланмоқда.
Эслатиб ўтамиз, 14 декабрь куни Тошкент шаҳар Сергели туманида 47-йўналишда қатнайдиган автобусда ёнғин чиққанди.
Мавзуга доир: Фарғонада Cobalt билан тўқнашган Damas ҳайдовчиси машина ичида ёниб кетди (фото, видео)
Изоҳ (0)