Футбол бўйича Италия А Сериясининг 18-туридан ўрин олган ўйинда «Ювентус» 18 декабрь, шанба куни «Болонья» билан баҳс юритди.
Болоньяда ўтган ўйин туринликларнинг 2:0 ҳисобидаги ғалабаси билан якунланди. 6-дақиқада Альваро Мората ҳисобни очган бўлса, 69-дақиқага келиб, Хуан Куадрадо ҳам ўз номини таблога ёздириб қўйди.
Ушбу ғалабадан кейин Массимилиано Аллегри бошқарувидаги «кекса синьора» 31 очко билан 6-ўринга кўтарилди. Жамоа кейинги турда 22 декабрь куни «Кальяри»га қарши ўтказади. «Болонья» (24) эса 10-поғонани банд этган.
А Серия
18-тур баҳси
18 декабрь, шанба
«Болонья» – «Ювентус» 0:2
Голлар: 0:1 – 6 Мората, 0:2 – 69 Куадрадо.«Болонья» – Скорупски, де Сильвестри (Ольсен, 46), Медель, Сумаоро, Теате, Хики (Виола, 85), Сориано (Santander, 85), Сванберг (Винято, 79), Домингес, Арнаутович, Барроу (Сансоне, 79).
«Ювентус» – Шченсни, Бонуччи, де Лигт, Пеллегрини (Алекс Сандро, 61), Рабьо, Артур (Локателли, 61), Маккенни (Бентанкур, 72), Куадрадо, Мората (Кайо Жорже, 85), Бернардески, Кин (Кулусевски, 71).
Огоҳлантиришлар: Домингес (29), Маккенни (29).
Изоҳ (0)