Профессионал бокс бўйича иккинчи ярим енгил вазн (-55,34 кг) тоифасида WBA ва IBF камарлари соҳиби Муроджон Аҳмадалиев уйланди. Никоҳ оқшоми 2021 йилнинг 18 декабрь куни бўлиб ўтди.
Аҳмадалиевнинг тўйига кўплаб таниқли боксчилар ҳамда чет эллик мураббийлар ташриф буюрди. Улар орасида боксчилар Баҳодир Жалолов, Шаҳрам Ғиёсов, Иқболжон Холдоров, Ҳасанбой Дўстматов, Исриол Мадримов ва бошқа машҳур номларни учратиш мумкин.
17 декабрь куни Тошкентда жанг ўтказган Элнур Абдураимов эса Аҳмадалиевга куёвжўралик қилди.
Қайд этиш керак, аввалроқ бадиий гимнастикачи Сабина Тошкенбоева ва таэквондочи Ниёз Пўлатов турмуш қуриши ҳақида хабар берилганди.
Унгача эса Токио—2020 Олимпиадаси бронза медали соҳиби Бекзод Абдураҳмонов ва ушбу Олимпия ўйинларида Ўзбекистон байроқдори бўлган таэквондочи Нигора Турсунқулова оила қургани ҳамда уларга Президент табриги ва совғалари етказилгани тўғрисида хабар берилганди.
Маълумот учун, Аҳмадалиев 2021 йилнинг ноябрь ойида чилилик Хосе Веласкесни мағлуб этиб, чемпионлик камарларини иккинчи марта ҳимоя қилган эди. Апрель ойида бўлиб ўтган жангида эса япониялик Рёсуке Ивасани бешинчи раундда нокаутга учратган.
Изоҳ (0)