Тошкент шаҳри Юнусобод туманида ДСС МЧЖга «Тошкент ПЕС» АЖ энергия таъминоти ташкилотидан томонидан ундирилган пуллари қайтариб берилди. Бу ҳақда Монополияга қарши курашиш қўмитаси хабар қилди.
Электр энергиясидан фойдаланиш қоидаларига кўра, электр энергиясини истеъмол қилиш учун замонавий ҳисобга олиш приборларини ўрнатиш, ҳисобга олиш ва муҳрлаш ишлари ҳудудий электр тармоқ корхоналари маблағи ҳисобидан амалга оширилади. Аммо энергия таъминоти ташкилоти ўз мажбуриятларини бажармаган ҳолда приборлари муҳрланмагани ва рўйхатдан ўтказилмагани учун тадбиркордан 1 миллиард 750 миллион сўм қарздорлик ундирган.
Қайд этилишича, Монополияга қарши курашиш қўмитаси томонидан «Тошкент ПЕС» АЖга нисбатан иш қўзғатилиб, асоссиз деб топилган қарзни ҳисобдан чиқариш тўғрисида қарор қабул қилинган.
Электр тармоқлари корхонаси судга шикоят қилган, аммо эътироз қаноатлантирилмаган. Қўмита комиссиясининг қарор ва кўрсатмалари ўзгаришсиз қолдирилиб, тадбиркорнинг манфаатлари ҳимояланган.
Таъкидланишича, 2021 йилнинг ўтган даврида қўмита томонидан тадбиркорларнинг 44 мингга яқин мурожаати кўриб чиқилиб, 162 миллиард 140 миллион сўмлик маблағ уларнинг фойдасига қайта ҳисоблаб чиқилган.
Мавзуга доир:
- «Маҳаллий ҳокимликлар бино ва иншоотларнинг бузилиши бўйича 349 нафар тадбиркордан 123 миллиард сўм қарздор» — президент
- Тадбиркорларга 903 млн сўмлик нореал қарздорлик ҳисоблаган «Ҳудудгаз Жиззах» ходимларига нисбатан жиноий иши қўзғатилди
- Бухорода ҳамкорлик шартномаси талабларини бузган хориж корхонасидан 66,5 минг доллар миқдоридаги қарздорлик ундирилди
Изоҳ (0)