Ўзбекистон йўлларида содир бўлган ҳодисалар ҳақида маълумот берамиз.
Қаршининг марказий кўчасида ҳаракатланиб кетаётган «Газель»да ёнғин чиқди.
16 декабрь куни соат тахминан 17:02 лар атрофида 101 қисқа рақами орқали Қарши шаҳар ФВБга Қарши шаҳар А. Навоий кўчасида ҳаракатланиб келаётган автомобилда ёнғин содир бўлаётгани тўғрисида хабар келиб тушган.
Хабарга кўра, ёнғин жойига Қарши шаҳар ФВБ дан 1 та ёнғин-қутқарув бўлинма жалб этилиб, ёнғин бартараф этилган.
Қашқадарё вилоят фавқулодда вазиятлар бошқармаси хабарида айтилишича, рўй берган ёнғин автоуловнинг мотор ва олд салон қисмини қисман зарарлаган.
Дастлабки маълумотларга кўра, ушбу транспорт воситаси Қарши тумани «Дашт» ҚФЙда яшовчи 1979 йилда туғилган фуқаро Ж.Р бошқарувида бўлган Uztelecom АЖнинг Қашқадарёдаги бўлимига қарашли «Газель» автомобиль экани маълум бўлди.
Ёнғиндан ҳеч ким тан жароҳати олмаган.
Деновда мактаб ўқувчиси отасининг Tracker’ида пиёдани уриб кетиб унинг ўлимига сабабчи бўлди.
Сурхондарё вилояти Денов тумани «Тотувлик» маҳалласидан ўтган 4К-588 автомобиль йўлининг 1-километрида вояга етмаган, 35-умумтаълим мактаби ўқувчиси отасининг Tracker’ни бошқариб йўл-транспорт ҳодисаси содир этган (ўқувчида транспорт воситасини бошқариш ҳуқуқи бўлмаган).
У кечаси ёмғирли ҳавода йўлни кесиб ўтаётган 1-гуруҳ ногиронини кўрмасдан уриб кетган. Оқибатда пиёда воқеа жойида вафот этган.
Жиззахда Nexia-3 пиёдани уриб кетди.
Жиззахда Nexia-3 йўлнинг белгиланмаган қисмидан ўтаётган пиёдани уриб юборган. Пиёда шифохонага олиб борилган. Пиёданинг аҳволи ҳақида вилоят ИИБ хабарида маълумот берилмаган.
Изоҳ (0)