Toshkent shahri Yunusobod tumanida DSS MChJga “Toshkent PES” AJ energiya ta’minoti tashkilotidan tomonidan undirilgan pullari qaytarib berildi. Bu haqda Monopoliyaga qarshi kurashish qo‘mitasi xabar qildi.
Elektr energiyasidan foydalanish qoidalariga ko‘ra, elektr energiyasini iste’mol qilish uchun zamonaviy hisobga olish priborlarini o‘rnatish, hisobga olish va muhrlash ishlari hududiy elektr tarmoq korxonalari mablag‘i hisobidan amalga oshiriladi. Ammo energiya ta’minoti tashkiloti o‘z majburiyatlarini bajarmagan holda priborlari muhrlanmagani va ro‘yxatdan o‘tkazilmagani uchun tadbirkordan 1 milliard 750 million so‘m qarzdorlik undirgan.
Qayd etilishicha, Monopoliyaga qarshi kurashish qo‘mitasi tomonidan “Toshkent PES” AJga nisbatan ish qo‘zg‘atilib, asossiz deb topilgan qarzni hisobdan chiqarish to‘g‘risida qaror qabul qilingan.
Elektr tarmoqlari korxonasi sudga shikoyat qilgan, ammo e’tiroz qanoatlantirilmagan. Qo‘mita komissiyasining qaror va ko‘rsatmalari o‘zgarishsiz qoldirilib, tadbirkorning manfaatlari himoyalangan.
Ta’kidlanishicha, 2021-yilning o‘tgan davrida qo‘mita tomonidan tadbirkorlarning 44 mingga yaqin murojaati ko‘rib chiqilib, 162 milliard 140 million so‘mlik mablag‘ ularning foydasiga qayta hisoblab chiqilgan.
Mavzuga doir:
- “Mahalliy hokimliklar bino va inshootlarning buzilishi bo‘yicha 349 nafar tadbirkordan 123 milliard so‘m qarzdor” — prezident
- Tadbirkorlarga 903 mln so‘mlik noreal qarzdorlik hisoblagan “Hududgaz Jizzax” xodimlariga nisbatan jinoiy ishi qo‘zg‘atildi
- Buxoroda hamkorlik shartnomasi talablarini buzgan xorij korxonasidan 66,5 ming dollar miqdoridagi qarzdorlik undirildi
Izoh (0)