Тошкент шаҳрида мунтазам равишда танишидан пул талаб қилиб келган шахс тезкор тадбирда қўлга тушди, деб хабар бермоқда Тергов департаменти.
Маълум қилинишича, 14 декабрь куни Наманган вилоятида яшовчи А.И. (1994 йилда туғилган) Яккасарой туман ИИО ФМБ бошлиғи номига ариза билан мурожаат қилган. Унда 11 декабрь куни Ж.З. (2000 йилда туғилган) исмли шахс унинг шаънига путур етказадиган фото ва видео тасвирларни Instagram ижтимоий тармоғига жойлаштирмаслиги эвазига 5 миллион сўм талаб қилиб келаётганини маълум қилган.
Қайд этилишича, шу куни Яккасарой тумани Ш.Руставели кўчасида ҳолат юзасидан тезкор тадбир ўтказилган. Унда Ж.З. А.И.дан 100 доллар ва 500 минг сўм олаётган вақтида ашёвий далиллар билан ушланган.
Таъкидланишича, тергов жараёнида Ж.З. олдин ҳам А.И.нинг шаънига путур етказадиган фото ва видео тасвирларни Instagram ижтимоий тармоғига жойлаштирмаслик учун 4 миллион сўм олгани, бундан ташқари, бошқа харажатлари учун ҳам пул ундириб келгани аниқланган.
Мазкур ҳолат Ж.З.га нисбатан Жиноят кодекснинг 165-моддаси 1-қисми (товламачилик) билан жиноят иши қўзғатилиб, процессуал тартибда ушланган.
Мавзуга доир:
- Тошкентда қизнинг кийимсиз ҳолдаги видеосини тарқатмаслик учун ундан 5 минг доллар талаб қилган шахсга ҳукм ўқилди
- Хоразмда Instagram’даги обрўсизлантирувчи расмларни ўчириш эвазига 5 минг доллар сўраган шахс ушланди
- Фарғонада ўзи билан ишқий муносабатда бўлган эркак видеосини тарқатмаслик эвазига ундан 150 минг доллар талаб қилган аёл ва шерикларига суд ҳукми ўқилди
Изоҳ (0)