Tashkent City yaqinida Orlando yonib ketdi

Toshkent shahri Shayxontohur tumanida Orlando avtomobilining dvigatel qismida yong‘in chiqdi, deya xabar qilmoqda YHXBB.

Dastlabki ma’lumotlarga ko‘ra, 2021-yil 14-dekabr kuni soat 19:25 larda Toshkent shahar, Shayxontohur tumani, Islom Karimov ko‘chasida haydovchi Sh.A. (1981-yilda tug‘ilgan) Orlando avtomobilida harakatlanayotib Hilton mehmonxonasi ro‘parasiga yetgan vaqtda, transport vositasining dvigatel qismida qisqa tutashuv va uning ortidan yong‘in yuzaga kelgan.

Haydovchi zudlik bilan to‘xtagan. O‘zi va salonda bo‘lgan yo‘lovchilar ham tezkorlik bilan avtomobildan tushgan. Yong‘in o‘t o‘chiruvchilar tomonidan bartaraf etilgan. Tan jarohati olgan fuqarolar yo‘q. Ushbu hodisa yuzasidan Shayxontohur tumani FVB va YHXB xodimlari tomonidan surishtiruv olib borilmoqda. Mavzuga doir:

• Dumalagan Lada Largus, zovurga tushib ketgan Spark, avtobus bilan to‘qnashgan “Jiguli”. YTH tafsilotlari
• Toshkentda avtobus boshqaruvni yo‘qotishi oqibatida 8 ta transport ishtirokida YTH sodir bo‘ldi
• Namanganda Damas o‘quvchi qizni urib ketdi, Navoiyda Lada Vesta ag‘anadi. YTH tafsilotlari