Тошкент шаҳрида ўтказилаётган оғир атлетика бўйича Жаҳон чемпионатида 16 декабрь, пайшанба куни -109 килограмм вазн тоифасидаги спортчилар ўртасида беллашувлар бўлиб ўтди.
Унда сўнгги икки Олимпиаданинг чемпион ва рекордчилари Руслан Нуриддинов ҳамда Акбар Жўраев иштирок этди.
Даст кўтариш бўйича Руслан Нуриддинов учта уринишдан биттасини кўтаришга муваффақ бўлди ва 185 кг билан бронза медалини қўлга киритди. Токио Олимпиадасида олтин медални қўлга киритган Акбар Жўраев учала уринишни ҳам муваффақиятли якунлаб, 195 кг натижа билан биринчи ўринни эгаллади. Кумуш медал эса 188 кг натижа қайд этган арманистонлик Симон Мартиросянга насиб этди.
Даст кўтариш бўйича энг яхши натижа эгалари:
- Акбар Жўраев (Ўзбекистон) — 195 кг;
- Симон Мартиросян (Арманистон) — 188 кг;
- Руслан Нуриддинов (Ўзбекистон) — 185 кг.
- Акбар Жўраев (Ўзбекистон) — 238 кг;
- Руслан Нуриддинов (Ўзбекистон) — 236 кг;
- Симон Мартиросян (Арманистон) — 228 кг.
Умумий натижалар бўйича Акбар Жўраев 433 кг билан олтин медалга эга чиқди. Руслан Нуриддинов 421 кг натижа қайд этиб, кумуш медал соҳибига айланди. Арманистонлик спортчи Симон Мартиросян 416 кг билан бронза медалини қўлга киритди.
Умумий натижалар:
- Акбар Жўраев (Ўбекистон) – 433 (195+238) кг
- Руслан Нуриддинов (Ўзбекистон) – 421 (185+236) кг
- Симон Мартиросян (Арманистон) – 416 (188+228) кг
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)