Образнинг қандай кўринишида муҳим рол ўйнаш билан бирга қишда оёқларнинг иссиқ тутишга хизмат қилувчи пойабзалларнинг қайсиларидан воз кечиш тавсия қилиниши ҳақида Grazia журнали маълумот бериб ўтади.
Баланд пошнали пойабзал
Қулай кийиниш шиори трендга айланган мода оламида ингичка пошнали пойабзалларга ўйин йўқ. Қорли ва совуқ ҳавода юришга қулай, ҳаракатланиш осон ва оёқларни иссиқ тутадиган вариантларга эътибор қаратиш керак.
Ғалати шаклли этиклар
Оёқ кийим нафақат қулай, балки кўримли ҳам бўлиши керак. Ғалати шаклли, ялпайган пойабзал моделлари оёқни маҳкам ушламасликдан ташқари, умуртқанинг зўриқишига ҳам сабаб бўлади. Бунинг ўрнига исталган образга мос тушадиган қаттиқроқ вариантларни танлаган яхши.
Қўнжи тор оёқ кийим моделлари
Этикларнинг қўнжи тор экани ботфорт ва тиззадан тепада турадиган пойабзалларгагина ярашади. Бунинг учун пойабзалнинг таг қисми қалин, ўзи эса чарм ёки замш матосидан ишланган бўлиши керак. Йўқса оёқдан ташқари қомат ҳам хунук кўринишга эга бўлади. Тепа қисми максимал кенг турадиган этик моделлари эса бир неча мавсумдан буён урфдан қолгани йўқ. Оёқнинг болдир қисми тўла бўлган аёллар учун айни муддао бўлган бундай моделлар исталган образ билан ўзига хос кўринади.
Эскича моделлар
Эски чарм матоли этикларни кийишни бас қилганингиз яхши. Қишда кийишга мўлжалланган пойабзал матоси монохром бўлиши керак. Бир неча мавсум давомида модадан қолмаслиги сабаб илон терисига ўхшаш принтли моделларга ҳам эътибор қарацангиз бўлади.
Мўйнали этиклар
Қишки оёқ кийимларнинг ич қисми қалин ва мўйнали бўлгани яхши, аммо усти иложи борича минимал услубда бўлиши керак. Гап шундаки, қўнжи мўйна билан безалган моделлар образга путур етказиб, сизни дидсиз кўринишингизга сабаб бўлиши мумкин.
Бачкана вариантлар
Турли занжир, темир ва деталлар билан безатилган бачкана этиклардан иложи борича воз кечинг. Аксарият ҳолларда бундай пойабзаллар арзон ва сифатсиз бўлади. Образ ўзига хос ва қиммат кўриниши учун эса минимал услубдаги вариантларга эътибор қаратиш тавсия қилинади.
Учи япалоқ этиклар
Олд қисми думалоқ сифат бўлган этиклар аллақачон ўтмишда қолди. Ҳозир учи геометрик шаклдаги ноодатий моделлар урфда. Шундай экан ҳеч иккиланмасдан учли ёки олд қисми квадрат шаклда бўлган моделларга эътибор қарацангиз бўлади.
Изоҳ (0)