Янги йил кечаси ўзига хос образда бўлиш учун ҳозирданоқ нима кийишни ўйлаб қўйиш керак. Танлов борасида алоҳида ёндашиш, ҳаммага ўхшашдан қочиш керак. Энг асосийси, либос кундалик кийимлардан фарқ қилиши, шу билан бирга, универсал ва кишини ўзига ром қиладиган бўлиши керак.
Калта кўйлак
Ҳатто қалин колготка ва узун этик кийган тақдирингизда ҳам, юбка ёки кўйлак образга байрамона шукуҳ бахш этади. Аммо мато борасида алоҳида эътиборли бўлиш керак. Масалан, айни вақтда трендда бўлган твид матоси нафақат этик, балки учли туфли билан ҳам яхши умумлашиб, образнинг қизиқарли кўринишига сабаб бўлади.
Бичими эса иложи борича байрамдан бошқа кунлар кийишга ҳам мос бўлсин. Пижак-либос, бел қисмига урғу берилган моделлар бу бу борада айни муддао.
Тиззадан тушиб турадиган узунликдаги кўйлак
Миди узунлигидаги либос исталган пойабзал билан яхши туриши билан ўзига хосдир. Тиззани ёпиб тургани ҳисобига совуқ сезилмайди. Бундай кўйлак танлаганда асосий эътиборни деталларга қаратиш керак. Масалан, бел қисмида боғичи бор ёки «вирез»ли вариантлар билан ўзига хос образ яраца бўлади. Ранг борасида эса универсал қора, сиёҳранг ва бошқа ёрқин рангларни танлаш тавсия қилинади.
Узун кўйлак
Макси узунлигидаги кўйлакни хуш кўрадиганларга бичимга эътибор бериш тавсия қилинади. Узунлиги ҳисобига шундоқ ҳам жиддий ҳисобланган бундай кўйлаклар билан зерикарли кўриниб қолмаслик учун елка қисми очиқ ноодатий вариантларга эътибор қаратиш тавсия қилинади. Қолаверса, аксессуар ва пойабзал танлашда ҳам доимгидан бошқачароқ ёндашиш керак.
Изоҳ (0)