Президент Шавкат Мирзиёев раислигида ўтказилаётган видеоселектор йиғилишида йирик, замонавий савдо ва кўнгилочар масканлар ушбу шаҳарларнинг «ташриф қоғози»га айланиши зарурлиги кўрсатиб ўтилди.
Лекин бугунги кунда Самарқанд шаҳрида майдони 10 минг квадрат метрдан ошадиган атиги 4 та замонавий гипермаркет мавжуд бўлса, Наманган шаҳрида энди қурилмоқда.
Наманганда келгуси йилда майдони 200 минг квадрат метр бўлган 3 та, Самарқандда 400 минг квадрат метр бўлган 7 та йирик савдо ва хизмат кўрсатиш мажмуалари фаолиятини ташкил этиш топшириғи берилди.
Яна бир масала — Тошкент, Самарқанд, Бухоро каби йирик шаҳарларда «такс фри» тизимини жорий этиш, шаҳар ичида «дюти фри» дўконларини ташкил этиш орқали чакана савдо ҳажмини 2-3 баробарга ошириш мумкин.
«Умуман, хорижий меҳмонларга харидлари учун қўшилган қиймат солиғини қайтариб бериш тизимини барча туристик шаҳарларда йўлга қўйиш лозим.
Ушбу 3 та шаҳар мисолида кўрсатиб берилган имкониятлар барча вилоят марказлари ва йирик шаҳарлар учун тегишли», — деди президент.
Мавзуга доир:
- «2022 йилда йўл бўйларида камида 3 мингта лойиҳани тўлиқ ишга тушириш шарт» – Шавкат Мирзиёев
- «Аҳолиси кўп шаҳарлардаги 10 мингга яқин кўп қаватли уйларнинг нотурар объект сифатида 10 фоизидан ҳам фойдаланилмаяпти» – Шавкат Мирзиёев
- Ўзбекистонда 2022 йилда 158 та туманда хизматларни ривожлантириш учун 1 триллион сўм ажратилади
Изоҳ (0)