Андижон вилояти Асака тумани ҳокими аҳоли билан номақбул тарзда суҳбатлашгани акс этган видео тарқалди. Туман ҳокимлиги ҳолат юзасидан изоҳ берди.
Қайд этилишича, 2021 йилнинг 9 декабрь куни Асака тумани ҳокимининг кўп қаватли уйларда фуқаролар билан суҳбати акс этган видео Telegram ҳамда Facebook орқали тарқалиб, жамоатчилик томонидан муҳокамага сабаб бўлди.
Ушбу видеолар «Қадрият» маҳалласида жойлашган кўп қаватли уйларда куз-қиш мавсумини беталафот ўтказиш мақсадида Асака тумани ҳокими бошчилигида, туман ҳокимининг ўринбосарлари ва соҳага алоқадор ташкилотлар раҳбарлари биргаликда тумандаги мавжуд кўп қаватли уйларда аҳоли билан учрашиши жараёнидан олинган.
Шу куни туман ҳокими ва масъуллар «Қадрият» маҳалла фуқаролар йиғинидаги 8-, 10-, 12-, 14-, 30-, 36-, 37-, 38-, 39-, 40-, 41- ҳамда 42-кўп қаватли уйларда бўлиб аҳоли вакиллари билан учрашди. Уларнинг муаммолари ва таклифлари ҳам ўрганган эди.
Таъкидланишича, ушбу жараён онлайн тарзда туман ҳокимлигининг расмий Telegram каналида бериб борилган ва муҳокамаларга сабаб бўлган видео эътиборсизлик туфайли жойланган. Бўлиб ўтган ҳолат юзасидан масъул ходимларга нисбатан тушунтириш ишлари олиб борилган ва белгиланган тартибда чора кўрилган.
Мавзуга доир:
- Сурхондарёда яна икки туман ҳокими ва вилоят ҳокими ўринбосарлари интизомий жазога тортилди
- Қашқадарёда ҳоким ўринбосари ва ХТБ бошлиғи ўқувчиларга расмга тушиш учун совға бериб, кейин қайтариб олгани айтилган хабарга муносабат билдирилди
- Чиноз тумани ҳокими мажбурий обуна ташкил этишга урингани аниқланди
Изоҳ (0)