1990 йилларда «Вой аламжон», «Оқ бўйра» каби қўшиқлари билан машҳурликка эришган хонанда Муҳаммадкарим Соипов 58 ёшида вафот этди. Бу ҳақда «Ўзбекконцерт» ДМ матбуот хизмати «Дарё»га маълум қилди.
«Ўзбекконцерт» матбуот хизматининг маълум қилишича, соҳир овоз соҳиби, хушовоз хонанда Муҳаммадкарим Соипов бугун вафот этган.
Маълумот учун, Муҳаммадкарим Соипов 1963 йил Қирғизистоннинг Ўш шаҳрида таваллуд топган. Хонанда «Вой аламжон», «Оқ бўйра», «Қайдадур», «Дуторим», «Ташна ҳислар» сингари қўшиқлари билан мухлислар қалбидан жой олган.
Изоҳ (0)