Тошкент шаҳридаги «Дийдор» театр-студиясида «Капалак туши» номли спектакль премьераси бўлиб ўтди. Бу ҳақда «Дарё» мухбири хабар бермоқда.
Спектакль тожикистонлик ёзувчи Темур Зулфиқоровнинг «Хўжа Насриддиннинг илк муҳаббати» песаси асосида таниқли режиссёр, Тожикистон санъат арбоби Барзу Абдураззоқов томонидан саҳналаштирилган.
«Капалак туши» Насриддин исмли оддий оила фарзандининг илк муҳаббати ҳақида бўлиб, саҳна асари томошабинни тўғрилик, соф муҳаббат, ростгўйлик ҳақида мулоҳаза қилишга ундайди.
Спектакльда асосий ролларни Бобур Йўлдошев (вилоят ҳокими Талғатбек), Юлдуз Ражабова (соқов она Лапак биби), Нурмуҳаммад Иброҳимжонов (Насриддин), Маҳлиё Асқаралиева (Суҳайл), Анвар Ҳамроқулов (Мустафо бобо), Жўрабек Арзиев (Рустам полвон) каби актёрлар ижро этган.
«Капалак туши» саҳна асари 2021 йилнинг 5-, 6-, 7 декабрь кунлари соат 17:00 да «Дийдор» театр-студиясида намойиш қилинади.
Мавзуга доир:
- «Мени ёнғоқ ичига солиб қўйиб, сен озодсан десангиз, мен ўзимни бутун дунёнинг хоқони деб сезаман...». Режиссёр Баҳодир Йўлдошевни хотирлаб
- «Дунё сўрамаймиз, бизга кераги — озгина эътибор». Элмира Раҳимжонова «Турон» ҳарбий театри актёрлари таъмирталаб бинода ва кам ойликка ишлаётгани ҳақида (видео)
Изоҳ (0)