Amazon асосчиси Жефф Безоснинг собиқ рафиқаси, ёзувчи Маккензи Скотт Forbes талқини бўйича дунёдаги энг таниқли 100 нафар аёллар рўйхатида биринчи ўринни эгаллади. Журналнинг Американча версияси хайрия ишларидаги фаоллиги туфайли уни рейтинг етакчилигига лойиқ топди.
2011 йилдан буён ушбу рейтингда Ангела Меркель энг юқори ўринни эгаллаб келаётганди. Меркель Германия канцлери лавозимини тарк этгач, журнал уни рўйхатдан чиқарди.
Forbes рейтингида АҚШ вице-президенти Камала Ҳаррис иккинчи ўриндан жой олди. Ундан кейинги қаторларда Халқаро валюта фонди директори Кристин Лагард, General Motors бош директори Мери Барра, шунингдек, Microsoft асосчиси Билл Гейтснинг собиқ рафиқаси, тадбиркор Мелинда Гейтс турибди.
Россиядан ягона вакил Россия Федерацияси Марказий банки раиси Элвира Набиуллина тўртинчи йил ҳам рўйхатдан жой олди. Бу йил рейтингда у 57-ўриндан 60-ўринга кўтарилди.
2020 йилда Forbes’нинг энг нуфузли аёллар рейтингида юқори учликдан Меркель, Лагард ва Ҳаррис жой олганди.
Шунингдек, ўтган йили Finencial Times газетаси ҳам ўз талқини бўйича энг нуфузли аёллар рўйхатини эълон қилганди. Унга инқирозга қарши курашган ва ҳозирги даврдаги муҳим муаммоларга эътибор қаратган 12 аёл киритилган. Биринчи ўринни Янги Зеландия бош вазири Засинда Арден эгаллаган. У коронавирус таҳдидига тезкорлик билан чора кўрган сиёсатчи сифатида қайд этилган.
Изоҳ (0)