Уч кишини ўлдиришда ноҳақ айбланиб, 42 йил қамоқда жазо ўтаган америкалик Кевин Стрикленд учун 1,5 миллиондан ортиқ доллар йиғилди. Бу ҳақда Esquire маълум қилган.
Таъкидланишича, 1979 йил бир умрлик жазо ҳукм қилинганда Кевин атиги 18 ёш бўлган. У округ прокурори Жексон Жин Петерс Бейкернинг таклифига биноан, гувоҳларнинг кўрсатмалари асоссиз экани сабабли иш қайта кўриб чиқилганидан сўнг, Миссури штатидаги қамоқхонадан озодликка чиққан. Стрикленд штат тарихидаги ноҳақ айбловга кўра энг узоқ вақт қамоқда ўтирган одам бўлган.
Маҳаллий қонунга кўра товон пули ДНК таҳлили ёрдамида оқланган одамларгагина тўланиши керак. Шу боис ҳам Стрикленднинг адвокати, уни жамиятга мослашишига ёрдам бериш мақсадида хайрия маблағи тўплашга қарор қилган. Унда 27 минг одам иштирок этган. Стрикленднинг ўзи бу ҳақида сериал орасидаги янгиликлардан хабар топган. У қамоқдан чиққач биринчи бўлиб онасининг қабрини зиёрат қилишга борган. «Аввалроқ зиёрат қила олмагандим. Содир қилмаган жиноятда айбдор эканлигимни айтишганида қандай йиғлаганимни эсладим», — деган Стрикленд CNN’га берган интервьюсида.
1978 йил 25 йилда 4 нафар жиноятчи турар жой биносининг ичига бостириб кирган ва уч кишини отиб ўлдирган. Ҳужумнинг тўртинчи қурбони — 20 яшар Синтия Дуглас тирик қолган. У Кевин Стриклендни воқеа жойида бўлган деб кўрсатма берган. Кейинроқ эса полиция ходимлари унга босим қилганини таъкидлаган аёл, кўрсатмасини ўзгартирмоқчи бўлган.
Изоҳ (0)