Bloomberg nashri talqini bo‘yicha dunyoning eng boy oilalari reytingida jahondagi eng yirik ulgurji va chakana savdo tarmog‘i — Walmart’ga egalik qiluvchi Uoltonlar oilasi yetakchilik qildi. Agentlik ularning boyligini 238,2 milliard dollarga baholadi.

Walmart’ga biznesmen Sem Uolton tomonidan 1962-yilda asos solingan. Hozir butun dunyo bo‘ylab do‘konlari soni 10,5 mingdan oshadi, kompaniya daromadi esa 559 milliard dollarni tashkil qiladi. Uoltonlar oilasi tarmoq aksiyalarining 48 foiziga egalik qiladi.

Eng badavlat oilalar o‘nligi bilan “RBK” fotogalereyasida tanishing.

Walmart korporatsiyasi asoschisi Sem Uolton va rafiqasi Xelen Uoltonning katta o‘g‘li Rob, qizi Elis va kenja o‘g‘li Jim Uoltonlar

Foto: Getty Images

Mars Incorporated boshqaruv raisi Viktoriya Mars

Foto: “RIA Novosti”

Viktoriya Mars (to‘rtinchi avlod vakilasi) — kichik Forrest Mars va Virjiniya Kretellaning qizi. Uning uch singlisi bor, bular — Mariyke Mars, Pamela Mars-Rayt va Valeri Mars. Uning otasi tomonidan katta bobosi Franklin Klarens Mars Mars, Incorporated kompaniyasiga 1911-yilda asos solgan.

Marslar oilasi qandolat mahsulotlari va uzoq muddat saqlanuvchi oziq-ovqatlar ishlab chiqaruvchi Mars kompaniyasiga egalik qiladi, ularning boyligi 141,9 milliard dollarga baholanadi.

Cheyz va uning otasi Chalz Kox (Koch Industries egalaridan biri, bosh direktori, biznesni ukasi Devid bilan otasi Fred Koxdan meros qilib olgan)

Foto: AP Photo

Koxlar oilasi — Amerikaning Koch Industries neft-kimyo korporatsiyasi egalaridir. Ularning boyligi 124,4 milliard dollarni tashkil etadi.

Aksel (Hermes bosh direktori va Hermes-Dumas oilasining oltinchi avlodi vakili) va Pyer-Aleksis Dyuma (Hermes art-direktori, Hermes asoschisi Tyerri Ermening ovorasi — oltinchi avlodi)

Foto: Getty Images

Erme oilasi Hermes fransuz modalar uyiga egalik qiladi, davlati — 111,6 milliard dollarga teng.

Salmon ibn Abdulaziz Al Saud (Saudiya Arabistonining yettinchi qiroli, Al Saudlar sulolasi boshlig‘i)

Foto: “RBK”

Saudiya qirollik oilasi — Al Saud reytingda beshinchi o‘rinda joylashdi, ularning boyligi 100 milliard dollarga baholanmoqda.

Mukesh Ambani va rafiqasi Nita

Foto: AP Photo

Ambanilar oilasi Hindistonning neft qazib olish va qayta ishlash bo‘yicha Reliance Industries xoldingiga egalik qiladi, davlati 93,7 milliard dollarga teng.

Jerar va Alen Vertxaymer

Foto: Reuters

Vertxaymerlar oilasi Fransiyaning Chanel modalar uyi egasidir. Ularning boyligi 61,8 milliard dollarni tashkil qiladi.

Eduard Jonson III (rais va CEO)

Foto: Reuters

Jonsonlar oilasi — Amerikaning Fidelity Investments aktivlarni boshqarish kompaniyasi egasi. Boyligi 61,2 milliard dollarga teng.

Devid Tomson

Foto: Reuters

Tomsonlar oilasiga Thomson Reuters mediakompaniyasi tegishli bo‘lib, ularning davlati 61,1 milliard dollarni tashkil etadi.

Xubertus fon Baumbax (kompaniya asoschisi Albert Byoringerning evarasi)

Foto: Global Look Press

Byoringerlar oilasi Germaniyaning Boehringer Ingelheim farmkompaniyasi egasidir. Ularning boyligi 59,2 milliard dollarga baholanmoqda.

Reytingga jami 25 ta oila kirdi, ular orasida Germaniyaning Aldi chegirma do‘konlari tarmog‘iga egalik qiluvchi Albrextlar oilasi (51 milliard dollar), Estee Lauder kosmetika brendi egalari (49,3 milliard dollar), Fransiyaning Auchan savdo gigantiga egalik qiluvchi Myulye oilasi (45,9 milliard dollar), BMW Kvandt egalari (42,3 milliard dollar) ham kirdi.

Bloomberg ma’lumotlariga ko‘ra, dunyodagi eng boy 25 ta oilaning jami davlati 1,7 trillion dollarni tashkil qiladi, bu 2020-yildagi ko‘rsatkichdan 22 foizga ko‘p demakdir.