Қовоқ чиндан ҳам фойдалими ва ундан нима тайёрласа бўлади? 3 хил оддий рецепт

A, C, E, K, T, PP, шунингдек, ҳазм қилишни яхшилайдиган ва иммунитетни мустаҳкамлайдиган B1, B2, B5 ва B6 витаминлари мавжуд бўлган қовоқ таркибида каротин ва пектин моддалари мужассам бўлади. Қолаверса, Qp. Унинг 100 граммида тахминан 25 ккал, 1 гр оқсил, 0,1 гр ёғ, 4,4 гр углевод ва сув бўлади. Саломатликни яхшилашда аҳамиятли бўлган ушбу маҳсулотдан нималар тайёрлаш мумкинлиги ҳақида маълумот бериб ўтамиз.

Қовоқли хуштам шўрва

Керакли маҳсулотлар:

• кокос сути — 100 мл;
• сув — 350 мл;
• қовоқ — 1 кг;
• занжабил — 1 г;
• саримсоқ пиёз — 1 г;
• занжабил — 4 г.

Тайёрланиш жараёни

• Кубик шаклида тўғралган қовоқни печда пишириб олинг.
• Қозонга солиб, устидан сув қуйинг.
• Қайнаб чиққанидан кейин зираворлар ва сут қўшиб блендерда аралаштиринг.
• Қовоқ уруғи билан безаб кейин дастурхонга тортинг.

Қовоқ қўшиб тайёрланадиган салат

Керакли маҳсулотлар:

• кейл карами — 50 г;
• қовоқ — 100 г;
• нўхат — 30 г;
• ялпиз — 1 г;
• қовоқ уруғи — 5 г;
• зайтун ёғи.

Соуси учун:

• сабзи — 8 г;
• узум сиркаси — 2 ош қошиқ;
• соя соуси — 6 г;
• зайтун ёғи.

Тайёрланиш жараёни

• Кубик шаклида тўғралган қовоқни устига зайтун ёғи қуйиб 190 даража қизиган печда пиширинг.
• Нўхатни пишириб олинг.
• Кейлни бир неча бўлакка бўлинг.
• Соус учун керакли маҳсулотларни барини блендерда аралаштиринг.
• Тўғралган маҳсулотларга тайёр соусни қўшиб аралаштиринг.

Какао қўшиладиган мазали ичимлик

Керакли маҳсулотлар:

• какао кукуни — 5 г;
• қовоқ пюреси — 50 г;
• сут — 150 мл;
• кокос сути — 50 г;
• долчин — 1 г;
• занжабил — 1г;
• мускат ёнғоғи — 1 г.

Тайёрланиш жараёни

• Барча маҳсулотларни бир-бирига қўшиб аралаштиринг.
• Долчин қўшишни унутманг.
• 65-70 даража оловда қайнатиб олинг.

Ёқимли иштаҳа!