Халқаро Пресс-клубнинг навбатдаги сонида Шерзодхон Қудратхўжа ҳуқуқни муҳофаза қилиш органлари нуфузи ва уларга яратилган шароитлар ҳақида гапириб, ички ишлар органларига керак бўлса энг сўнгги русумдаги машиналарни олиб бериш кераклигини айтди.
Шерзодхон Қудратхўжа яқинда Туркияда бўлгани, у ерда ҳуқуқни муҳофаза қилувчи органлар томонидан фойдаланиладиган отларнинг чиройлилиги ва қанчалик безатилгани ҳақида гапирган.
«Тошкентда кўриб қоламан — кўчаларимизда, булварларимизда йигитлар, қизлар отда юрса, одамларда юртига, тарихига ҳурмат пайдо бўлади. Биз Амир Темур авлодларимиз, Бобур Мирзо авлодларимиз. Қонимизда қандай саркардалар қони бор. Шу одамни ҳурмат қилади.
Мана, Дубайда энг охирги русумдаги машинада юради. Чунки жиноятчига етволиши керак. Биз жиноятчига Lacetti’да етиб ололмаймиз. Керак бўлса, биз ҳам ўнта энг кучли BMW, ўнта Mercedes ва Ferrari, зўрларини сотиб олишишимиз керак. Чунки улар билиши керак — давлат улардан кучли. Керак бўлса, етволади, топади, тўртта етти номеринг бўлса ҳам, сен билан гаплашади», — дея таъкидлаган ХПК раиси.
Эслатиб ўтамиз, Ички ишлар вазирлиги Йўл ҳаракати хавфсизлиги бош бошқармаси 2020 йилнинг август—октябрь ойларида 28,3 миллиард сўмлик транспорт воситаларини харид қилгани тўғрисида хабар берилганди. Улар орасида 15 та Equinox, 20 та Cobalt, 13 та Lacetti 1,5 (L-Comfort Plus), 1 та Lacetti 1,5 (L-Elegant/АТ Plus), 2 та Volkswagen Caddy , 14 та автобус (SAZ HC-40) ва 16 та Malibu-2 русумли автотранспорт воситалари бор эди.
Изоҳ (0)