Наманган вилояти Поп туманида бир қанча масъуллар кўчат экиш жараёнида сохталик қилгани акс этган видео тарқалди. Ҳолат юзасидан Давлат экология қўмитаси маълумот берди.
Қайд этилишича, 2021 йилнинг 26 ноябрь куни Поп тумани Санг қишлоғида маҳалла раисининг кўрсатмаси билан кўчат экиш жараёнига сохталик билан ёндашилган.
Ушбу ҳолат юзасидан «Боғ кўча» маҳалла раиси Қ.Очилдиев, маҳалла раисининг ўринбосари М.Акбаровга тегишли чора кўрилди ва эгаллаб турган лавозимларидан озод қилинди.
Шунингдек, маҳаллада олиб борилган кўчат экиш ишларини назоратга олмагани учун туман маҳалла ва оилани қўллаб-қувватлаш бўлими бошлиғи Э.Асқаровга ҳайфсан эълон қилинди.
Изоҳ (0)