Қашқадарё вилоятининг Чироқчи туманида ИИБ ходимлари талабига бўйсунмай қочган ҳайдовчи Lacetti’сининг ойнасини уриб синдиргани ҳақида хабар берилган эди. ЙҲХББ ҳолат юзасидан қўшимча маълумот берди.
Унда айтилишича, ички ишлар органлари ходимларининг қонуний талабига бўйсунмасдан воқеа жойидан қочиб кетган Lacetti ҳайдовчиси аниқланиб, топилган.
Суриштирув давомида ҳайдовчи Ҳ.А. (1998 йилда туғилган) автомобилнинг ён олд ойналарининг қорайтирилгани бўйича рухсатномаси йўқлиги сабаб ходимларнинг тўхташ талабига бўйсунмасдан кетиб қолганини таъкидлаб ўтган.
Ҳолат юзасидан ўрнатилган тартибда маъмурий баённома тузилиб, автомобиль вақтинча сақлаш учун жарима майдонига жойлаштирилган.
Эслатиб ўтамиз, воқеа 27 ноябрь куни Чироқчи тумани марказидаги туман Йўл ҳаракати хавфсизлиги бўлими маъмурий биноси ёнида содир бўлган 28 ноябрда эса ҳолат аск этган видеолар ижтимоий тармоқларда тарқалди.
Унда ЙПХ инспектори ва вилоят ИИБга қарашли тезкор вазифаларни бажарувчи сафарбарлик отряди вакиллари Lacetti’нинг икки ён ва олд томонидан тўсиб турганини, сўнг машина улар устига ҳайдаб, кетиб қолгани акс этган. Шунингдек, Lacetti жойидан қўзғалганида махсус отряд ходимлари уни дубинка билан урганини, оқибатда автомобилнинг орқа ойнаси синганини кўриш мумкин.
«Чироқчи марказидан Lacetti’ни бошқариб келаётганимда ЙПХ биноси олдида ЙПХ ходимлари мени тўхтатди. Кейин олд ён ойнам тонировкалиги, ҳужжатларим йўқлиги учун ойналаримни кўтариб эшигимни қулфлаб олдим», — деган ҳайдовчи. Нега ходимлар устига ҳайдадингиз, деган саволга «Қўрққанимдан, ҳаяжон тутиб», деб жавоб берган ва қилган ишидан пушаймонлигини билдирган.
Мавзуга доир:
- Тошкентда ЙПХ ходими қоида бузган ҳайдовчининг юзига ҳужжатларини отиб, кетиб қолгани айтилган видео юзасидан изоҳ берилди
- Тошкентда ЙПХдан қочган Nexia ҳайдовчисини тўхтатишда табел қуролидан ўқ узилган. ИИББ воқеа тафсилотларини эълон қилди
- Қашқадарёда автомобилни ҳайдовчи рухсатисиз жарима майдончасига ҳайдаб кетган ЙПХ ходими ишдан олинди
Изоҳ (0)