Польшанинг Венджин туманида (германия чегараси яқинида жойлашган) хорижликлар учун мўлжалланган қўриқланувчи марказда мигрантлар тартибсизлик уюштирди, деб хабар беради «РБК».
wПолитйcе.пл порталининг маълумотларига кўра, юзлаб мигрантлар марказ ҳудудидан қочиб кетиш мақсадида тўсиқларни синдириб чиқишга уринган. Нашрнинг таъкидлашича, ушбу объект 2021 йилнинг ёзида собиқ ҳарбий ўқув марказ ўрнида қурилган. Объект бир вақтнинг ўзида бир неча юз кишини қабул қилишга қодир. Қайд этилишича, у ерга республика ҳудудига ноқонуний равишда келган хорижликлар юборилади.
Лубуска газетасининг маълум қилишича, дастлабки маълумотларга кўра, тартибсизлик марказ раҳбарияти бир неча ўн кишидан иборат гуруҳни Ироққа қайтариб юборишга тайёрлангани сабаб юзага келган, чунки улар мамлакатда «яшаш ҳуқуқини олиш шартларига мос келмаган».
РМФ радиостанцияси маълумотларига кўра, ҳозирда ушбу марказ ҳудудида 604 нафар хорижлик мавжуд. Уларнинг барчаси эркаклар бўлиб, 358 нафари — Ироқ фуқаролари. Қолганлари — асосан афғонлар.
Полициянинг маълум қилишича, мигрантлар марказ ҳудудидан ускунлар ва мебелларни олиб чиқиб, ёқиб юборишга уринган. Шундан сўнг, улар тўсиқларни бузмоқчи бўлган. Польша Чегара хизмати бошқармасининг минтақавий бўлими матбуот Ионна Кончнякнинг сўзларига кўра, тартибсизликни 100 га яқин мигрант уюштирган. «Марказ яхши ҳимояланган ва бир нечта панжралар билан ўралган. Уларнинг бирортаси кесиб ўтилмаган», — дея қўшимча қилади у.
Польша Чегара хизмати матбуот котиби Анна Михалская марказ ҳудудига иккиталик, айрим жойларига эса учталик панжаралар ўрнатилганини билдирган. Шу сабабли у ноқонуний мигрантлардан бирортаси марказ ҳудудидан қочиб кета олмаганини маълум қилган.
Кейинроқ Любушкоэ полицияси тартибсизлик бостирилганини маълум қилди. «600 дан ортиқ мигрант сақланаётган Венджиндаги қўриқланадиган марказ тўсиқларини кесиб ўтишга бўлган уринишдан кейин вазият барқарорлашди. Ҳеч ким қочишга муваффақ бўлмаган», — дейилади хабарда.
Эслатиб ўтамиз, 8 ноябрь куни эрталаб Беларусь ва Европа Иттифоқи давлатлари чегарасида вазият кескинлашди. Беларусь оммавий ахборот воситалари мамлакатнинг Польша билан чегараси томонга ҳаракатланаётган муҳожирлар карвони акс этган видеоларни эълон қилди. 11 ноябрь куни Буюк Британия, АҚШ ва Европа Иттифоқи давлатлари Беларусь ҳукуматини Польша—Беларусь чегарасидаги миграция инқирозини сунъий равишда яратганликда айблади.
Изоҳ (0)