Швейцариянинг Сюрих шаҳрида 26 ноябрь куни Европа минтақасининг ЖЧ—2022 мусобақаси ўтиш баҳслари ярим финалларига қуръа ташланди.
Унга кўра, плей-офф босқичига йўл олган 12 жамоалар А, Б ва C йўлларига бўлиб чиқилди. Бунда жамоалар (ярим финал баҳсида) биттадан ўйин ўтказади, унда ғолиб бўлган жамоа ўз йўлидаги ғалаба қозонган иккинчи жамоа билан ҳал қилувчи ўйинда (финал) майдонга тушади. Ўз йўлларидаги финалларда ғалаба қозонганлар эса Жаҳон Чемпионати йўлланмасига эга чиқади.
Қайд этиш керак, Европа чемпионатларининг сўнгги икки ғолиби Италия (2020) ва Португалия (2016) C йўлидан жой олди. Бу ЖЧ—2022 да Италия ёки Португалия қатнашмайди деганидир.
А йўли
Шотландия — УкраинаУэльс — Австрия
Б йўли
Россия — ПольшаШвеция — Чехия
C йўли
Италия — Шимолий МакедонияПортугалия — Туркия.
Эслатиб ўтамиз, ярим финал баҳслари 2022 йилнинг 24 мартида, финаллар эса 29 мартда бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)