Самарқанд вилояти Паст Дарғом туманидаги корхоналардан бирига ўрнатилган контейнер ичида икки нафар ишчи заҳарланиб, вафот этди. Бу ҳақда туман ҳокимининг қарорида маълум қилинган.
Маълум қилинишича, 17 ноябрь куни туманнинг «Балхиён» маҳалла фуқаролар йиғинида жойлашган «Агрокимё таъминот сервис» МЧЖнинг кириш дарвозаси олдига ўрнатилган металл контейнер ичида 2 нафар ёлланма ишчи номаълум этиологик заҳарланиш билан воқеа жойида ҳалок бўлган.
Паст Дарғом тумани ҳокимининг тегишли қарори билан туманда бахтсиз ҳодиса содир бўлганда унинг сабабларини текшириш бўйича дастлабки зарур чораларни кўриш, бахтсиз ҳодиса сабабларини текшириш комиссияси таркиби тасдиқланган.
Аввалроқ Тошкент вилоятида бир оиланинг уч аъзоси ис газидан заҳарлангани ва улардан бири вафот этгани, Фарғонада ота ва бола ис газидан заҳарланиб вафот этгани, Самарқандда бир оиланинг тўрт аъзоси ис газидан заҳарлангани тўғрисида хабар берилганди.
Изоҳ (0)