Ўзбекистон январь—октябрь ойларида Хитойга 2,6 млн тонна газ экспорт қилди

Ўзбекистон январь октябрь ойларида Хитойга умумий қиймати 601,3 миллион долларга тенг 2,6 миллион тонна газ экспорт қилган. Бу ҳақда «ТАСС» агентлигига таяниб «Gazeta.uz» хабар қилмоқда.

Давлат статистика қўмитаси маълумотларига кўра, январь—октябрь ойларида Ўзбекистон умумий қиймати 596,8 млг долларга тенг газ экспорт қилган, бу эса Хитой божхона бошқармаси томонидан эълон қилинган кўрсаткич билан деярли бир хил. Бундан Ўзбекистон томонидан экспорт қилинадиган газ тўлиқ Хитойга етказилади деган хулоса қилиш мумкин.

Хитой бош божхона бошқармаси маълумотларига кўра, Туркманистон Хитойга қувур орқали газ етказиб берувчилар орасида етакчиликни сақлаб турибди. Ўн ойлик ҳисобот даврида мамлакат Хитойга умумий қиймати 5,4 миллиард долларлик 19,8 миллион тонна газ экспорт қилган. Январь—октябрь ҳолатига Россиянинг Хитойга қувур орқали газ етказиб бериш ҳажми йиллик ҳисобда қарийб 2,6 бараварга ошиб, 5,9 миллион тоннадан зиёдни ташкил этган.

Қайд этилишича, ўн ой давомида Хитойнинг Россиядан ушбу турдаги энергия ташувчиси импортининг умумий қиймати икки баробардан зиёдга ўсган ва 1,1 миллион долларни ташкил этган. Кейинги ўринни Қозоғистон (865 миллион долларлик 3,73 миллион тонна газ) ва Ўзбекистондан кейин Мьянма (1,2 миллиард долларлик 2,5 миллион тонна газ) эгаллаган.

Ўзбекистон Хитойга экспорт қилаётган 1 тонна гази учун ўртача 233,95 доллар олса, Туркманистон 271,85 доллар, Қозоғистон эса 231,9 доллар олади.

Қайд этилишича, «Ўзтрансгаз» ички бозорга қарийб 40 миллиард куб метр газ етказиб беради. Бундан ташқари, Туркманистондан Россияга 6 миллиард куб, Туркманистон—Ўзбекистон—Қозоғистон—Хитой газ узатиш тизими орқали 35—38 миллиард куб метрга яқин газ ташилади.

«Ўзтрансгаз» собиқ бошқарув раисининг сўзларига кўра, газ етказиб бериш бўйича имзоланган шартномалар доирасида 2020 йилда Хитойга таҳминан 2—6 миллиард куб метр, Қирғизистонга 60 миллион куб метр, Тожикистонга эса 200 миллион куб метр газ экспорт қилиш режалаштирилган эди.

2020 йилнинг март ойида март ойида Ўзбекистон пандемия сабаб Хитойга газ экспортини қисқартириши мумкинлиги айтилган эди. Кейинроқ Ўзбекистонда олинадиган табиий газнинг Хитойга экспорти 3 бараварга камайгани, Россияга экспорт эса бутунлай тўхтатилгани хабар қилинган.

Эслатиб ўтамиз, бош вазири Абдулла Арипов 18 январь куни ЎзЛиДеП сиёсий кенгашининг йиғилишида Ўзбекистон 2025 йилдан газ экспортини тўхтатишини маълум қилганди.

Октябрь ойида Президент «Геология-қидирув ишларини янада рағбатлантириш ва ер қаъридан фойдаланувчиларга солиқ солиш тартибини такомиллаштириш чора-тадбирлари тўғрисида»ги қарони имзолади. Унда кўра, Ўзбекистонда табиий газ импорти божхона божидан озод қилинади.

Давлат статистика қўмитасининг 2020 йил учун ташқи савдо айланмаси тўғрисидаги ҳисоботида айтилишича, Ўзбекистон 2020 йилда 50 миллион долларлик газ импорт қилган, экспорт 4,7 бараварга камайган.