Бугун,

  • USD 11014.01
  • RUB 191.8
  • EUR 10674.78

Telegram асосчиси Павел Дуров Франция фуқаросига айланди. Бунга Ateo Breaking Telegram-канали эътибор қаратган, деб хабар беради Meduza.

Фото: Instagram / @durov

Фото: Instagram / @durov

Бу борадаги тегишли ҳужжат мамлакат ҳукуматининг расмий ахборотномасида 23 августда эълон қилинган.

Франция фуқаролиги тақдим этилган шахслар қаторида Павел Дуровнинг исм-фамилиясидан ташқари, унинг туғилган жойи ва санаси кўрсатилган (1984 йил 10 октябрь, Ленинград) — бу Telegram асосчисининг туғилган жойи ва санасига мос келади.

Дуровнинг ўзи ушбу хабарга изоҳ бермаган.

Маълумот учун, Павел Дуров Россиядан 2014 йилда чиқиб кетган. Кўп ўтмай у дунёнинг кўплаб мамлакатларига, жумладан, Европа Иттифоқи ва Буюк Британияга саёҳат қилиш имконини берадиган Кариб денгизидаги Сент-Китс ва Невис фуқаролигини олгани маълум бўлган. Сўнгги йилларда Дуров БААда яшаб келаётганди.

Аввалроқ Telegram асосчиси Павел Дуров Pegasus жосуслик дастури орқали кузатилган бўлиши мумкинлиги, Forbes Павел Дуровнинг фарзандларини илк бор энг бой меросхўрлар рейтингига киритгани тўғрисида хабар берилганди.

Изоҳ
Асосий янгиликлар