Улуғбек Узоқов Қашқадарё вилоят ҳокимининг қишлоқ ва сув хўжалиги масалалари бўйича биринчи ўринбосари лавозимига тайинланди. Бу ҳақда вилоят ҳокимлиги ахборот хизмати хабар берди.
Улуғбек Узоқов 1969 йил Тошкент вилоятида туғилган. Тошкент давлат аграр университетини тамомлаган. У тайинловга қадар Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари вазифасида ишлаб келаётган эди.
Маълумот учун, эндиликда вилоят ҳокимининг 2 нафар биринчи ўринбосари мавжуд. Нодир Эркаев вилоят ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари ҳисобланади.
Аввалроқ Қашқадарё вилоят ҳокими сифатида 2019 йилнинг октябридан буён ишлаб келаётган Зоир Мирзаев Тошкент вилояти ҳокими этиб тайинлангани тўғрисида хабар берилганди. Давлат божхона қўмитаси раиси лавозимида фаолият юритиб келган Муротжон Азимов Қашқадарё вилояти ҳокими вазифасини бажарувчи этиб тайинланган.
Изоҳ (0)