Тошкент шаҳрида тадбиркорнинг 1 миллиард сўмини ўз эҳтиёжлари учун ишлатиб юборган шахс аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Яккасарой туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Текширув давомида фуқаро О.У. ўзганинг мулкини фирибгарлик йўли билан қўлга киритиш мақсадида «С-Д» МЧЖ раҳбари А.нинг ҳисобида 2 миллиард сўм бўлган пластик картасини олиб, пул маблағини нақдлаштириб беришни ваъда қилгани аниқланган. Ушбу шахс фуқаро А.га 1 миллиард сўмини қайтариб, қолган маблағини қайтармасдан, ўз эҳтиёжлари учун сарфлаб юборган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Сурхондарёда 10 тонна саримсоқ пиёзни олиб, пулини бермай кетган фуқарога жиноят иши қўзғатилгани, Самарқандда тадбиркорларнинг қарийб 550 млн сўм пулини ўзлаштирган шахслар аниқлангани тўғрисида хабар берилганди.
Изоҳ (0)