Ўзбекистон президентининг Афғонистон бўйича махсус вакили Исматулла Иргашев 2021 йилнинг 16 ноябрь куни Брюссель шаҳридаги Европа парламенти биносида Афғонистондаги ҳозирги вазиятга бағишланган брифингда иштирок этди. Бу ҳақда Ташқи ишлар вазирлиги хабар қилди.
Исматулла Иргашев ўз нутқида Ўзбекистоннинг Афғонистонга нисбатан олиб бораётган сиёсатининг асосий жиҳатлари, мамлакатнинг янги ҳокимияти, шунингдек, улар билан конструктив мулоқот ўрнатиш зарурлигига алоҳида тўхталиб ўтди.
Асосий эътибор Афғонистоннинг минтақа давлатлари ва дунёнинг бошқа мамлакатлари учун эҳтимолий хавф туғдирувчи қалтис давлатга айлантирилиши ҳамда халқаро террорчилар учун бошпана бўлиб қолишининг олдини олишга қаратилди.
Мамлакатга инсонпарварлик ёрдамини тезкорлик билан етказиш, Афғонистонни минтақавий ўзаро боғлиқлик ва интеграция жараёнларига янада фаолроқ жалб этишга асосий эътибор қаратилди.
Барча форум иштирокчилари Ўзбекистонга Европа Иттифоқи фуқароларини Афғонистондан эвакуация қилишда кўрсатган ёрдами, шунингдек, афғон инқирозини тинч йўл билан ҳал қилиш борасидаги саъй-ҳаракатлари учун самимий миннатдорлик билдирди.
Бундан аввал Исматулла Иргашев Афғонистонда толиблар ҳукуматини тан олиш шартларини маълум қилганди.
Мавзуга доир:
- Шавкат Мирзиёевнинг Афғонистон бўйича махсус вакили Исматулла Иргашев Эрон элчиси билан афғон халқига инсонпарварлик ёрдамини кўрсатиш масаласи юзасидан фикр алмашди
- «Ўзбекистонга ‘Толибон’ мафкурасини олиб кириш мутлақо имконсиз» — Абдулазиз Комилов
- Ўзбекистон Мозори Шариф аэропортини реконструкция қилади
Изоҳ (0)