O‘zbekiston prezidentining Afg‘oniston bo‘yicha maxsus vakili Ismatulla Irgashev 2021-yilning 16-noyabr kuni Bryussel shahridagi Yevropa parlamenti binosida Afg‘onistondagi hozirgi vaziyatga bag‘ishlangan brifingda ishtirok etdi. Bu haqda Tashqi ishlar vazirligi xabar qildi.
Ismatulla Irgashev o‘z nutqida O‘zbekistonning Afg‘onistonga nisbatan olib borayotgan siyosatining asosiy jihatlari, mamlakatning yangi hokimiyati, shuningdek, ular bilan konstruktiv muloqot o‘rnatish zarurligiga alohida to‘xtalib o‘tdi.
Asosiy e’tibor Afg‘onistonning mintaqa davlatlari va dunyoning boshqa mamlakatlari uchun ehtimoliy xavf tug‘diruvchi qaltis davlatga aylantirilishi hamda xalqaro terrorchilar uchun boshpana bo‘lib qolishining oldini olishga qaratildi.
Mamlakatga insonparvarlik yordamini tezkorlik bilan yetkazish, Afg‘onistonni mintaqaviy o‘zaro bog‘liqlik va integratsiya jarayonlariga yanada faolroq jalb etishga asosiy e’tibor qaratildi.
Barcha forum ishtirokchilari O‘zbekistonga Yevropa Ittifoqi fuqarolarini Afg‘onistondan evakuatsiya qilishda ko‘rsatgan yordami, shuningdek, afg‘on inqirozini tinch yo‘l bilan hal qilish borasidagi sa’y-harakatlari uchun samimiy minnatdorlik bildirdi.
Bundan avval Ismatulla Irgashev Afg‘onistonda toliblar hukumatini tan olish shartlarini ma’lum qilgandi.
Mavzuga doir:
- Shavkat Mirziyoyevning Afg‘oniston bo‘yicha maxsus vakili Ismatulla Irgashev Eron elchisi bilan afg‘on xalqiga insonparvarlik yordamini ko‘rsatish masalasi yuzasidan fikr almashdi
- “O‘zbekistonga ‘Tolibon’ mafkurasini olib kirish mutlaqo imkonsiz” — Abdulaziz Komilov
- O‘zbekiston Mozori Sharif aeroportini rekonstruksiya qiladi
Izoh (0)